قصيدة بكرة هتحلو

 هيجيلي اللي يقدر قلبي ودي ثقه في الله مش في الاشخاص علشان انا لما بحب بصون وبكون موجود مش صوت وخلاص بتعامل باللي يريحني وبيرضي ضميري ومش فارق اذا كنت بعامل ناس حلوين او خلق رخاص ربنا رحمان وانا مش زعلان على حلو اديته ومطمرشي رغم اني خسرت كتيير يعني بس برضو الخير ميخسرشي هنقابل يوم خلق شبهنا وهنلقى نصيبنا بيندهنا وهنفرح ونشوف الدنيا مرة من النفس متكسرشي على قد ما كنت بقدر ناي على قد ما كانوا بيئذوني وبفكر فيهم بالايام وتدور ايام وبينسوني، الواحد كان يزرع وردة في قلوب متحبش زرع الورد في قلوب من برد ان مت ارضي لا هيرضوا ولا هيحبوني ، بس الانجاز اللي في عمري ان انا عمري مجرحتش حد مكسرتش خاطر ولا انسان ان انا وزعت افراح للناس وانا قلبي في عرض الفرحه جعان اني استحملت كتير وصبرت مخدتش حقي من الجارح وانا قادر اجيب حقي مسامح .. انا عندي ايمان ان اللي الصبر هلك حالة هيلاقي الافراح جياله ف انا مش زعلان ..... في ناس  في الدنيا نصيبها تعيش ترضي المجاريح ، تتمشى مع اللي الناس تاذيه وتهدي عليه الايام والريح ويناموا الليل هنا يعانوا من الوحده ومن تفاصيل تانيه يضحكوا للناس ... يضحكوا ع الناس من برة لطاف والقلب قبيح . ويقين بالله بكرة هتحلو هندوق من فرح اللي خسرناه ونتمشى معاه ويروق الجو هنبص على اللي سابونا بعيد مع روح وحياه ومع قلب جديد نحمد ربنا على عوضه الحلو ونضحك على الايام السو .... بكرة هتحلو.... الباب اللي تسد في وشي هرجع واشتري بيته وارضه الشوك اللي زرعتوه في قلبي هيجيلي اليوم واقطف ورده  انا حد الله بيني وبين ناس حسسوا روحي بنقصان مفيهاش والناقص صعب يكون له علاج وعلاجه في حرمانه وطرده ... بزيادة الحلو اللي مشش بزيادة الحزن اللي معشش .... بزيادة سنيين بتضيع مع ناس ولا تتعاشر ولا تتحسش 

الواحد بس مكنشي يهون على روحه يسيب من غير فرصه وادينا اربعه مليون فرصه وسنين غفران مبتتعدش ... انا عمري ما قصرت في حاجه وعزيت اشياء على ايد الغير..... عمري ما بصيت على حاجة حد او شوفته سعيد وكرهت الخير 

طول عمري بقول ربنا يبعت ويبارك في اللي بعتهولي وبسيط راضي برزقي ومرتاح ومكمل سير 

عشمان في الجاي يكون احسن والله يعوضنا وننساهم .... عن ناس طلعوا فينا الغلطه والغلطه ان احنا عرفناهم والله بجد في ناس مظاليم وعشان ساكتين بانوا الظلمه وفي ناس كرهونا بجد صحيح وقلوبنا صحيح كانت حباهم

وعجبي 

# فارس قطرية