قرود بتضحك العالم وتبكي لوحدها بالليل🙂

 مصاحب ناس متشبهلكش فتفضل برضو وحداني بتضحك بس من برة وجواك في كلام تاني تعافر قد ما تعافر تسافر قد ما تسافر تشوف تفاصيل وجع كافر ومهما ارتحت بتعاني كانك زرع رباني لا ليك صاحب ولا بتهتم همومك باينه على وشك لا بتسيبك ولا بتتلم كأن الحزن جوه الدم مرض مزمن وتبت فيك طريق مفتوح لكل الناس ووقت المصلحه تمشيه بتسمع بس مابتحكيش تطبطب وانت مبتشكيش تقول معلش للتانين لكن بتشيل ومبتشكيش وعايش دنيتك زاهد ولو ناسي الوجع جواك سواد الليل عليك شاهد ،بقالك عمر بتجاهد في نفسك انها تشيلك وباين كدب تمثيلك بقالك فترة بتناهد تبان حيطه وقلبك زي عيل ضاق من امه زمان ولسه لحد هذا الوقت بيعيط وجرحك باين انه بسيط لكنه غويط ومتخيط عبيط عارف بإنه عبيط وهم كبير وحزن بسيط وهرياك الحياة تخبيط وخبط الدنيا بيموت مفيش اقسى من النهايات وكسرتها ومفيش احسن من البدايات ، بنخسر نفسنا لأشخاص سابونا نتوه بين المسافات بنتعلم كتير جداا ونتكلم كتير جداا واصعب حاجه بنقولها بتبقى سكات ..... قرود بتضحك العالم وتبكي لوحدها بالليل وضحكه كبيرة على وشك في قلبك حمل هد الحيل تشيل وتميل تكمل شيل توقع في النص متكملش يبصوا عليك من الشبابيك ما قلنالك بلاش متشيلش ي عم الحلو متمثلش لا ليك في اللف والدوران ولا بتعرف تقول لأه وريقك عمره يوم ما تبل وشغال للبشر سقه معلق نجمه في الاحزان وكل يومين بتترقى وصعبانه عليك روحك طبيب بيداوي جرح الناس وناس تلم في جروحك بنحلم باللي يلحقنا ونلعن في اللي غرقنا نلاقي نفسنا اشتقنا لكل اللي بيئذونا .... بنعرف ناس كتيير تانيه وهما يومين يفارقونا ..... بنام على قد ما مشاكلي بتضحكلي ولسه في اول العشرين وبان العمر على شكلي لو ان الدنيا تسلكلي ..... اكيد يعني الحياه حلوة و وفيها مساحه لسه تمام وفيها صحاب وفي احلام وفي بدايات كتيير تتعاش اكيد الدنيا فيها كتير امل وسكون وحلو مجاش يا نلقى ما يليق بينا يا إما بلاااش 

وعجبي 🥀

كلمات الشاعر فارس قطريه👍