قصيدة حتت رخام

 عندي غيركم حتى غيركم عندي غيرهم اللي سيبتوني عشانهم كانوا معايا ومش فاكرهم زي ما يكون قلبي بقى حتة رخام ساقع ومتخربش ... وتحن


له يعورك .. كل اللي كان جمبي وارتاح بعيد عني كان قالي مش هخسرك حزنك هلك منظرك وساب غرزتين جواك دلوقتي كل الناس اغراب وهما معاك ........ بكتب عن الوحده اكتر مابتنفس بسرد وجع فيا بيزورني ولا بيكل وكأني شجرة في خريف عريانه ملهاش ضل بدخل طرق وبضل .. فاختار طريق تاني مهجور من الزوار والوحده سكناني .... عندي جناحين من طين والطين مكانه الورد ف ازاي انبت ورد والتربه...... كرهاني ......اسال ساعات نومك عن هي لييه بتقل ، اسال حيطان اوضتك عيطت كام مرة ي ابو ضحكه كدابة ومفضوحه من برة . عايش على التواريخ مش حافظ التفاصيل ، وعنيك حاوطها سواد موهوبة في التمثيل . عايش في توب تماثيل ومصدق الحالة ... وحداني طول عمرك والوحده ... قتالة ، والدنيا ....عمالة تكسر ومتلمش . عيشت بضمير صالح وفضلت متهمش تتسم متسمش ، تتهد ومتشكيش، لو كنت بتخبي وجعك في نوم وهزار ف عنيك مبتخبيش ، انا مش مكتئب انا بس مش راضي عايش على تفاصيل وجعاني في الماضي خسران ... لكن راضي ، ومغصوب علشان ارضى عمال اشوط احلام وتصد في العرضه محسوب على المرضى وانا مش مريض انا بس ... محتاج اقول واتحس محتاج بشر تانيه ، فرص تانيه ، نااس مؤمنين بالحزن والاسباب وتعقيدي ؟! ناس يمسكوا في ايدي ويسندوني صحيح . محتاج لحضن مريح د واتنين صحاب شبههي محتاج ماعيشي غريب كل اما بمسك ايد القاها تدريجي بعد العشم بتسيب ..... 

بداية العلاقات معظمها وردية واخر العلاقات اغلبها سطحيه الناس هتتشدلك بالشكل والظاهر ... كل العيون بتكون اغلبها معميه من لمة ال ١٠٠ يفضلك اللي بجد ... من لمة ال ١٠٠ ممكن ما يفضل حد .. السم وسط العسل ميبنشي بالنظرات ولا كل من جمبك موجود في وقت الجد 

وعجبي🥀

كلمات فارس قطرية👍

تعليقات

إرسال تعليق

المشاركات الشائعة من هذه المدونة

قصيدة باعتبار اني بكرة هموت في حادثه

 ب"اعتبار انى بكره هموت فى حادثه الدموع هتصاحب امى بس مش هتموت ورايا والسنين هتزق ابويا خطوطين للحزن جايز والصحاب هيحطو صورتى عندهم فى التليفونات والجيران يتسائلوا عنى قبل اسمى يقولوا مات والحداد هيكون عشانى اسبوعين قران فى بيتنا عادى اسمع شد حيلك اى واحد من عيلتنا إلى مات كان حد طيب ساب مسيره وحسن سمعه عادى ابويا هياخد امى للمقابر كل جمعه يقروا فاتحه ويدعوليه ربنا ينورلى قبرى ويجازينى الخير لصبرى ولما يبقو فى بيتنا يدعو كل يومين ثلاثة والزعل هيبان فى عينهم كلما يفتكروا صورتى وبرده موتى هيبقى باين فى الدموع من عين حبيبتى شهر واحد بس يمشى والجميع يتناسى موتى حتى اهلى هينسوه صوتى كان تخين أو كان رفيع خبطه من ثالثه ابتدائى جاءت فى قرتى والصحاب هتعدى فتره هيشيلو صورتى مره ممكن يدعو ليه ينسى حد يقول امين والجيران يتسالو عنى قبل اسمى يقولو مين وانت عدى قصاد شرعنا عادى تسمع صوت اغانى ولما تيجى الجمعة ابويا يبقى جوه البيت معاهم وامى واقفه بقالها ساعة عادى بتحضر غداهم امى نسيت حتى تدعى لما عدت جنب بابى خلصو الاكل النهاردة بس انا ما شلوش منابى واللى انا حبيتها قالت كله رايح وكله جانى وبعد ش...
قراءة المزيد

قصيدة اللي ماقالتهوش أمي ليا

 اللي ماقالتهوش أمي ليا و اللي عاشت عُمرها تخبيه عليا أمي مش محتاجة حاجة لا لكلامي ولا لهدية علمتني حاجات كتيرة بالسنين مش بالدراسة بالوراثة اللي علّم فيها علّم برضه فيا اللي ماقالتهوش أمي ليا شئ تاعبني ليها رب و عن رضاها هايحاسبني و دة حسابه مش شويّة هي كانت عاملة حساب اللحظة ديّا أما انا ياللأسف كنت من الناس اللي امنت صدقت في البتاعة اللي عايشين فيها بيسموها دنيا من لا شئ خليتني واحد و الزمان اهو عدّى فيا طفل كنت بعودي ساند على اللي عُمره ما مال عليّا الزمن خلّاني جاحد و السنين غمّت عينايّا هي صدرها كان مخدّة و طرح قلبها كان مودة و طرح قلبي كان قسيّة اللي ماقالتهوش أمي ليّا انها صِبرت عليا لما عيشت سنين في خيرها كبرت ساويتها بغيرها كان لا بُد اعمل حسابي شوفتها في طلعة شبابي قيد و خنقة ماكانتش فارقة انزل امشي اخرج اسرح لما بتأنبني اشوّح كنت ادوّر وشّي " أُف " هي ناقصة كمان تقوللي كنت فين ريحتك سجاير ولّا صليت النهاردة خٌش نام الساعة واحدة شوفت حنيتها ضعف هي شارية بقلب راضي و دنيا دايرة و كاسها فاضي كنت باشرب فيه سكِرت ليه مُصرّة تخنقيني يامّا مش وقتك سيبيني انتهينا خلاص كِبر...
قراءة المزيد

قصيدة منطقي لهشام الجخ

  منطقى لما يبقى يتيم و أمى ويبقى سيد العالمين منطقى الحُسَّاد هتكتر و العدا و الكارهين و اللى هيبقولك ده شاعر و اللى هيقولك دا ساحر و اللى هيقولك دا كافر واللى يكتب و اللى يرسم و اللى يكدب و اللى يشتم منطقى هى غيره زى غيرة الوليد بن المغيره مش كان هيسلم؟! بس حاجه فى نفسه حَكِّتْ كبره خلَّى نفسه شَكِّتْ أصل داء الكبر ده أكبر خطر بس يعنى الجَنَّه تِعْمَرْ وحدها؟! حَبَّه فى الجنه و نعيمها وحَبَّه فى سقر منطقى و منطقى لما يبقوا المسلمين حالهم كدا تطلع ضوافر للعِدا مادمت مش زارع بإيدك غلتك و الجوع قرص على معدتك .. فا ذَلِّتَك مادمت متشتت و تايه فى الكلام فين الودان اللى هتسمع شكوتك؟! و منين يجيلك و ش تحمق ولَّا تغضب ولَّا ترفع كلمتك؟! هما مش قاصدين يهينوا المصطفى بحبة صور هما عارفين إن سَيِّدنا النبى سيد البشر هما قاصدينك و قاصدينِّى و قاصدين كل جيلنا و طول ما بِنْكَسِّلْ و نتفرَّق و بندارى الحقايق لسه ياما راح يجيلنا أما سيدنا النبى ربه كافيه يستهزقوا مِنِّينا إحنا أما هو رَبُّه صاينه و مصطفيه لو كانوا حضروه كانوا عرفوا يرسموه كانوا هيسموه بعدله و بسماحته و بهدوءه كانوا شافوا إن الصحا...
قراءة المزيد